“Ford” 1 milyondan çox avtomobili geri çağırdı

“Ford” yanacaq sistemindəki nasazlıq səbəbindən ABŞ-dakı 1,3 milyon avtobusunu geri çağırıb. Avtosfer.az “qafqazinfo”ya istinadən xəbər verir ki, avtomobil şirkəti nasazlığın mühərriki 2 litr olan 4 silindirli “Focus” modellərində aşkarlandığını bildirib. Avtomobillərdəki problem Beynəlxalq Nəqliyyat Təhlükəsizliyi İdarəsinin sürücülərin şikayətlərindən sonra məlum olub. Şirkət avtomobil sahiblərinə hələlik yanacaq çənini yarıyadək doldurmağı məsləhət görüb. Maşınların dekabrın 10-dək sazlanacağı bildirilib. Problemlə əlaqədar indiyədək hər hansı qəza yaşanmayıb.