Fransanın avtomobil istehsalçısı Rusiyanın qara siyahısında

Rusiyada hüquqi şəxslərin Fransanın “Renault” şirkəti ilə hər hansı formada əməkdaşlığı qadağan edilir.  
 
Avtosfer.az xəbər verir ki, bu barədə Rusiyanın Baş naziri Mixail Mişustinin imzaladığı sərəncamda deyilir. Qadağa “Renault”nun törəmə müəssisələrinə də şamil edilir. Siyahıda almaniyanın “Daimler” konserni də yer alır.

Rusiya hökumətinin bu addımına səbəb fransalı avtomobil istehsalçısının Ukrayna üçün dron istehsalına başlamaq planıdır. Bu plana elə Fransanın özündə də zavod əməkdaşlarının etirazına səbəb olub. 

Qeyd edək ki, “Renault” şirkəti vaxtilə “Avtovaz”ın əsas səhmdarı idi. Ukrayna müharibəsi başlayandan şirkət aktivlərini “Avtovaz”a verərək Rusiyanı tərk edib. Son 2 ayda isə fransız istehsalçının yenidən Tolyattiyə qayıdacağı ilə bağlı söz-söhbətlər dolaşırdı. Rusiya hökumətinin qərarı məsələyə son nöqtəni qoyub.

Vüqar