"General Motors" Kanadadakı zavodlardan birini bağlayır

Amerikanın “General Motors” şirkəti Kanadanın Ontario ştatının İngersoll şəhərindəki avtomobil yığma zavodlarından birini müvəqqəti olaraq bağlamağı planlaşdırır.

Avtosfer.az xəbər verir ki, bu barədə CTV telekanalı məlumat yayıb. 

Bildirilib ki, işçilərin ixtisarı aprelin 14-dən başlayacaq. Zavod may ayında qısa müddətə birnövbəli işə keçəcək, lakin sonradan oktyabr ayına qədər tamamilə bağlanacaq. Onun oktyabrda yenidən işə başlaya biləcəyi gözlənilir, ancaq bir növbədə. Hazırda müəssisədə çalışan 1200 nəfərdən ən azı 500 nəfərinin işini itirəcəyi gözlənilir.

Aprelin 2-də ABŞ prezidenti Donald Tramp ölkəsinin idxal olunan mallar üçün minimum 10% gömrük rüsumunu təyin edəcəyini açıqlayıb. Ayrı-ayrı dövlətlər üçün fərdi tariflər təyin edib. Bundan əlavə, ABŞ administrasiyası aprelin 3-dən Kanada da daxil olmaqla bütün idxal olunan avtomobillərə 25% gömrük rüsumları tətbiq edib. Aprelin 3-də Ottava ABŞ-dən idxal edilən bütün avtomobillərə 25% cavab rüsumları tətbiq edib (redaktor.az).