İngiltərə brendi yeni modelini təqdim etdi - FOTO

İngiltərənin nəhəng avtomobil istehsalçısı "MG" yeni modelini təqdim edib.

Avtosfer.az xəbər verir ki, yeni model "HS Luxury" adlanır.

Sözügedən SUV modeli müasir və gözoxşayan dizaynı ilə diqqət çəkir. Xüsusilə salonu da olduqca genişdir. "MG HS Luxury" 10,1 düymlük sensor ekran, rəqəmsal cihazlar paneli və qabaqcıl multimedia sisteminə də malikdir. 

Avtomobil 170 at gücündə turbo benzin mühərrikə sahibdir. 7 pilləli iki muftalı avtomatik transmissiya ilə təchiz olunub. 0-dan 100 kilometr sürətə sadəcə 6,9 saniyədə çatır. 

Qeyd edək ki, avtomobil pilot texnoloji sürücülük dəstəyi sistemi kimi çox sayda müasir xəbərdarlıq funksiyaları ilə də təchiz olunub. Həmçinin, avtomobil təhlükəsizlik testlərindən 5 ulduz alıb. Üstəlik, onda 7 ədəd hava yastığı da mövcuddur.
(hit.az)