“Mercedes”dən şəhər üçün yeni layihə - FOTO

“Mercedes-Benz” şirkəti ekosistem nəqliyyat sahəsində yeni təcrübələr aparmağa davam edir. Avtosfer.az “ölkə.az”-a istinadən xəbər verir ki, “Vision Urbanetic” almanların fikrinə görə ideal şəhər avtomobilidir. Bu isə sadəcə avtomobil yox, transformerdir. Yeni model ilə həm insanları, həm də yük daşımaq olar. 5.14 metr uzunluğu olan “Vision Urbanetic” həm insanları daşıyır, həm də yükləri çatdırır. Avtomobil elektrik enerjisi ilə hərəkət edir. 12 sərnişin tutumu var. Yük yeri isə 10 kub metrlikdir. “Vision Urbanetic” lazım olan yerdə lazım olan vaxtda olmalıdır. Bunun üçün isə “İT” infrastruktur və süni intellektlə çalışır. Bu isə şəhərdə nəqliyyat tələbatını öyrənən sistemdir. Təqdimat 19 sentyabr tarixinə planlaşdırılıb.