Məşhur avtomobil markasının satışı son 30 ildə ən aşağı səviyyəyə düşdü

Yaponiyada ötən il "Nissan" avtomobillərinin satışları son 30 ildə ən aşağı səviyyəyə düşüb.

Avtosfer.az xəbər verir ki, bu barədə "Nikkei" nəşri məlumat yayıb.

Qeyd edilib ki, avtomobil istehsalçısının ümumi daxili bazardakı payı ilk dəfə 10%-dən aşağı səviyyədə olub.

"Nissan" ötən il daxili bazarda 403 min avtomobil satıb ki, bu da 2024-cü illə müqayisədə 15% azdır.

Sənaye mütəxəssisləri avtomobil istehsalçısının satışda zəifləməsini yeni modellərin olmaması, maliyyə çətinlikləri və ictimai qalmaqallar səbəbindən imicə dəyən ziyanla əlaqələndirirlər.