“Niva”nın yeni mühərriklə istehsalı başladı

Avtovaz şirkəti “Niva Legend” modelinin (klassik “Niva”) yeni mühərriklə istehsalı başlayıb.

Avtosfer.az xəbər verir ki, bu barədə şirkət rəsmi məlumat yayıb. İstehsalın  FIAT şirkəti ilə müqavilənin imzalanmasının 60-cı ildönümündə başlayıb. 
Maraqlıdır ki, yeni mühərrikə keçidlə ruslar FIAT irsi ilə vidalaşıblar. 

“Niva” mühərriki mənşəyini 1970-ci ildən istehsal edilən VAZ-2101 mühərrikindən götürür. Silindrlər blokunun yeganə fərqi ölçüsündədir. 

Amma yeni mühərriki də müasir hesab etmək doğru olmaz. Bu güc qurğusu öz mənşəyini “Porsche”nin  layihələndirdiyi və ilk dəfə 1984-cü ildə VAZ-2108-də tətbiq edilmiş “Sputnik” mühərrikindən götürür. Bir sözlə, zavod Brejnev dövrünün texnikasını Andropov dövrünün avadanlığı ilə əvəzləyib. Yeni “Niva”da FIAT-dan qalan əsas detallar ötürmələr qutusu və diferensial mexanizmdir.

Köhnə mühərrikli avtomobillərə gəlincə. 1,7 litrlik mühərrikin blokunu sonsuzadək yonmaq, gilizləmək və istismar etmək mümkündür. Yaxın 10-15 ildə bu avtomobillər üçün təmir və ya ehtiyat hissə problemi olmayacaq.

Bu xəbər də sizə maraqlı ola bilər:

https://avtosfer.az/az/avtodunya/17-litr-muherrikli-sonuncu-niva-konveyeri-terk-etdi-foto-339130

Vüqar