"Niva"nın yeni variantının istehsalı başladı, suallar yarandı - FOTO

AVTOVAZ şirkəti Niva Sport modelinin istehsalına başlayıb.

Avtosfer.az xəbər verir ki,  yeni avtomobil 1,6 litrlik 122 at gücündə Granta mühərriki ilə təchiz edilir. Mühərriki uyğunlaşdırmaq üçün sürət qutusuna konstruksiya dəyişikliyi edilib. Bölüşdürücü qutunun dəstəyinin də sayı birə endirilib. Ayda 20 belə maşın istehsalı nəzərdə tutulur.

Hələlik yeni maşının qiyməti açıqlanmayıb. Lakin mütəxəssisləri bir məsələ düşündürür: avtomobilin transmissiyası belə güclü mühərrikə nə qədər davam gətirəcək? 

Əslində bu məsələ Nivanın mühərrikinin yenilənməsi vaxtı hər zaman ortaya çıxıb. 70-ci illərdə layihələndirilən transmissiya 90 at gücündən böyük mühərrikə davam gətirmir.

Zavod isə transmissiyanı yeniləməyə xərc çəkmək istəmir.

Vüqar