Ölkəmizdə yığılan avtomobillərin alınması üçün təşviqat işləri aparılmalıdır

Avtoxəbər 29 Oktyabr 2024 17:28
Ölkəmizdə yığılan avtomobillərin alınması üçün təşviqat işləri aparılmalıdır
WhatsApp kanalımıza abunə olun
2024-cü ilin yanvar-sentyabr aylarında Azərbaycanda 3 min 623 ədəd minik avtomobili istehsal edilib.
 
Avtosfer.az bu barədə Dövlət Statistika Komitəsinin hesabatına istinadən xəbər veir.
 
Belə ki, əvvəlki ilin eyni dövrü ilə müqayisədə minik avtomobili istehsalı 1 513 ədəd və ya 71,7% artıb.
 
2023-cü ilin yanvar-sentyabr aylarında bu göstərici 2 min 110 ədəd təşkil edib.
 
2024-cü ilin 1 oktyabr tarixinə anbarlarda qalan minik avtomobillərinin sayı 93 ədəd və ya 18,7% artaraq 590-a çatıb.
 
2023-cü ilin 1 oktyabr tarixinə bu göstərici 497 ədəd olub.
 
 
Nəqliyyat məsələləri üzrə ekspert Yasin Mustafayev söyləyib ki, bu əslində istehsal deyil, yığılmadır:
 
“Çünki ehtiyat hissələri (ban, təkərlər, mühərrik) hazır  gəlir və yığılır. Normal olaraq ən yaxşı istehsal odur ki,  hissələrin 70-80 faizini özü istehsal etsin. 70-80 faizdən aşağı olduqda isə artıq istehsal deyil yığılma adlanır. Düşünürəm ki, maşının hazırlanması üçün onun 1-2 faiz hissəsi özümüzdə var. Ölkədə istehsal olunan avtomobillərin statiskasına baxan zaman anbarda qalan avtomobil sayı onu göstərir ki, nəsə düzgün getmir. Vətəndaşları məcbur edə bilmərik ki, bu avtomobilləri alsınlar. Son dövrlər ən çox elektrikli və hibrid avtomobil alındığına görə isə anbarda qalan avtomobilləri sayı daha da çoxalıb. Lakin avtomobil almaq istəyən dövlət qurumlarını bu yola yönləndirmək, hətta məcbur etmək belə mümkündür ki, öz ölkəmizdə istehsal edilən avtomobil alsınlar. Eyni zamanda taksi fəaliyyəti ilə məşğul olan şəxslərdə həmin avtomobilləri ala bilərlər. Ölkəmizdə yığılan avtomobillərin alınması üçün təşviqat işləri aparılmalıdır”.
 
(sherg.az)
Oxunub : 800
DİGƏR XƏBƏRLƏR
ŞƏRH YAZ
Ad

E-mail

Şərh