Ötən ay “Lada” avtomobillərin satışında azalma olub

“AvtoVAZ” 2025-ci ilin martında “Lada” avtomobillərinin satışı barədə məlumat verib.

Avtosfer.az xəbər verir ki, 2024-cü ilin eyni ayı ilə müqayisədə onlar üçdə bir dəfə azalıb.

Mart ayında zavod 28,7 min “Lada” avtomobili satıb ki, bu da ötən ilin eyni ayı ilə müqayisədə 33% azdır. 2025-ci ilin fevral ayı ilə müqayisədə “Lada” satışları 7% artıb.

Ay ərzində 11,8 min “Lada Granta”, 7,1 min “Lada Vesta”, 1,9 min “Lada Largus” və bu modeldən daha 918 furqon satılıb. Martda “Lada Niva Legend” yolsuzluq avtomobillərinin satışı təxminən 3 min ədəd, “Niva Travel” 3,4 min ədəd təşkil edib.

“Lada”nın yüngül kommersiya avtomobillərindən isə 1,5 min avtomobil satılıb.

“AvtoVAZ”ın hesabatına görə, mart ayında “Lada” satışlarında azalma ümumi bazar azalmasından az olub - 44,4%.

Namiq Musayev