Piyadanın ölümünə səbəb olan sürücü saxlanılıb

Goranboy rayonunda piyadanı vurub hadisə yerindən qaçan sürücü saxlanılıb.

"Report"un Qərb bürosunun məlumatına görə, iyulun 20-də Goranboy rayonun Xan Qərvənd kənd yolunda piyada, 1956-cı il təvəllüdlü Rüstəmov Zirəddin Əli oğlunu "VAZ-2103" markalı avtomobil vuraraq hadisə yerindən qaçıb. Aparılan əməliyyat-axtarış tədbirləri nəticəsində hadisəni törədən sürücü, Kamal Məmmədov saxlanılıb.

Onun barəsində Cinayət Məcəlləsinin müvafiq maddələri ilə cinayət işi başlanılıb.

Qeyd edək ki, hadisə nəticəsində piyada, Z.Rüstəmov aldığı xəsarətlərdən yerindəcə keçinib.