“Porsche”-ni şoka salan qərar - Dizaynı dəyişə bilər...

“Porsche” təxminən 9 ildir davam edən 911 modelinin dizayn hüquqları ilə əlaqədar uduzub. "Autec" adındakı bir oyuncaq şirkəti daha əvvəl Ferrari üçün qaldırdığı iddianı Porsche üçün də irəli sürüb. İlk qərar "Autec"in xeyrinə verilib.  Porsche markasının ən çox satan modelləri Cayenne və Macan olsa da məşhur lüks avtomobil istehsalçısı məşhurluğunu 911 modelinə borcludur. 1963-cü ildə ilk dəfə istehsal edilən 2 qapılı idman avtomobilinin dizaynı klassikdir, ancaq "Kurt Hesse" adındakı bir oyuncaq istehsalçısı ("Autec"in ana şirkəti) 911 seriyasının 20-dən çox model dizaynlarının bir qisimi üzərində haqq iddia edir. Marja xəbər verir ki, Mərkəzi ofisi İspaniyada olan Avropa Birliyi Əqli Mülkiyyət Hüquqları Ofisi (EUIPO), söz mövzusu dizaynlara Porsche şirkətinin hüquqlarının ləğvinə qərar verib. Qeyd edilib ki, dizaynlar xüsusi deyil.

“Porsche”-nin sözcüsü məsələni Avropa Birliyinin qiymətləndirməsinə təqdim edəcəklərini deyib. Avropa Birliyi qərarı təsdiqlədiyi təqdirdə Porsche məhsullarının orijinal ölçüsündə olmasa da, oyuncaq boyunda kopyasının başqaları tərəfindən istehsal edilməsi mümkün olacaqdır. Avtomobil istehsalçılarının kopya dizaynlardan lisenziya gəlirlərinin Avropa daxilində 500 milyon avro ətrafında olduğu sanılır.

Porsche, qərar təsdiqləndiyi təqdirdə 911 dizaynını dəyişdirmək yolunu da seçə bilər. "Autec" adındakı oyuncaq istehsalçısının sahibi olan "Kurt Hesse", daha əvvəl də Ferrari markasının Testarossa modeli ilə bağlı mübarizəyə girmiş və qazanmışdı.

Samir