Qadınların rəylərinə görə 2026-cı ilin ən yaxşı avtomobilləri açıqlandı

Münsiflər heyəti yalnız qadınlardan ibarət olan "Women's Worldwide Car of the Year" (WWCOTY) müsabiqəsinin 2026-cı il üzrə ilkin qaliblərinin siyahısı açıqlanıb. Altı kateqoriya üzrə əsas mükafata iddialı olan ən yaxşı avtomobillər müəyyən edilib. Müsabiqənin qalibi mart ayında elan olunacaq.

Avtosfer.az müsabiqənin rəsmi saytına istinadən səbər verir ki, builki müsabiqə 15-ci dəfədir keçirilir. Qaliblər 40 ölkədən təqdim edilən 55 iddiaçı arasından seçib.

"Nissan Leaf" ən yaxşı kompakt avtomobil mükafatını qazanıb. "Skoda Elroq" kiçik krossoverlər arasından ən yaxşısı seçilib, "Mercedes-Benz CLA" ən yaxşı yeni minik avtomobili seçilib.

"Hyundai Ioniq 9" böyük krossover, "Toyota 4Runner" isə ən yaxşı SUV mükafatını qazanıb. Qaliblərin siyahısını ən yaxşı idman avtomobili seçilən "Lamborghini Temerario" tamamlayıb.

Bundan əlavə, müsabiqədə iki xüsusi mükafat təqdim edilib. Bu mükafatlar avtomobil sənayesinə və qabaqcıl texnologiyaların tətbiqinə verdiyi əhəmiyyətli töhfələrə görə "Renault" və "Ford" şirkətlərinə verilib.