Qışda maşını yumaq lazımdırmı?

Yollar qarla örtülü olduqda sürücülər həm də bir işə sevinirlər: avtomobil çirklənmir, deməli yuyub-təmizləməyə ehtiyac yoxdur. bəzi sürücülər isə maşını aylarla yumurlar. Onların yanaşması isə bu cürdür: onsuz da sabah yenə yağıç olacaq, maşın çirklənəcək. Bər reallıq nədən ibarətdir? Qışda maşını yumaq lazımdırmı?

Avtosfer.az xarici mediaya istinadla xəbər verir ki, ekspertlər avtomobilin qışda da yuyulmasını tövsiyə edirlər. Xüsusən də qarlı və buzlu havada yola duz səpildikdən sonra. Qışda yollara səpilən duz və kimyəvi reagentlər kuzovu dağıdır. Qum isə abraziv təsir göstərir. 

Bakıda qarlı-buzlu vəziyyət, yolların buz bağlaması bir qayda olaraq 3 gündən çox çəkmir.  Ekspert tövsiyəsini nəzərə alsaq, yollarda buzlaşma yığışan kimi maşını yumaq zəruridir. Bundan başqa, nəzərə alaq ki, yollara səpilmiş duz-qum qarışığı təmizləndikdənsonra belə, təsiri 10-15 gün qalır. Başqa sözlə, yoldan qum yığışdırılsa da, ərimiş duz uzun müddət – güclü yağışlaradək – qalır. Buna görə də, maşını qorumaq üçün qışda vaxtaşırı yumaq lazımdır.

Vüqar