Qusarda toyda "avtoşluq" edən sürücü tutuldu - VIDEO

Dünən Avtosfer.az portalında Qusar rayonunda keçirilən toy mərasimi zamanı avtoxuliqanlıq edən sürücü barədə məlumat vermişdik. Belə ki, sürücü toy karvanından çıxaraq kobud manevrlər edir, özünü, avtomobildəki sərnişinləri və digər sürücüləri təhlükəyə atır. Eyni zamanda onun cəmiyyətə aşkar şəkildə hörmətsizlik etməsi də əməlində avtoxuliqanlıq olduğunu təsdiqləyir. Baş Dövlət Yol Polisi İdarəsindən Avtosfer.az-a verilən məlumata görə, artıq sürücü aşkarlanıb və barəsində müvafiq tədbir görülüb.

Məlumatda bildirilir ki, 21 iyul 2018-ci il tarixində   Qədimov Məhəmməd Qulu oğlu idarə etdiyi 10 XO 038 dövlət nömrə nişanlı, "İnfinite" markalı avtomobillə Qusar rayonunda keçirilən toy mərasimi zamanı avtoxuliqanlıq etdiyinə görə, bu gün barəsində İXM-nin 511.1-ci maddəsi ilə inzibati protokol tərtib olunub. Həmin protokola əsasən məhkəmə tərəfindən 15 gün həbs və 1 illik sürücülük hüququndan məhrum olunub.

Fərid