Rusiyada sürücülük vəsiqəsi məhkəməsiz də ləğv edilə biləcək

Rusiyada sürücülük vəsiqələri ilə bağlı yeniliklər 1 mart 2027-ci ildən qüvvəyə minəcək.

Avtosfer.az xəbər verir ki, hazırda Rusiyada sürücülük hüququnun xəstəliyə görə məhdudlaşdırılması məhkəmə qərarı ilə təmin edilir. Bu da çox uzun çəkən prosedur olduğundan polis buna az hallarda baş vurur.

Yeni qaydalara əsasən tibb müəssisəsi pasientdə sürücülüyə mane olan xəstəlik aşkar etdikdə bu barədə məlumatı polisə ötürməlidir. Polis xəstəxananın bildirişini əsas götürərək vətəndaşı sürücülük hüququndan məhrum edə bilər. Bu zaman məhkəməyə müraciət edilmədiyindən proses daha sürətli olacaq. Roma hüququnda deyildiyi kimi “bir həkimin rəyi üç şahidin ifadəsindən üstündür”.

Əslində dünya praktikasında bu hal yenilik olmayıb, Avropada 30 ildən çoxdur tətbiq edilir. Nəticədə epilepsiya, diabet, ürək problemləri və digər ciddi xəstəliyi olan sürücülərin sükandan məhrum edilməsi tezləşir.

Vüqar