Şumaxerə qələbə qazandırmış avtomobil hərraca çıxarıldı

Əfsanəvi alman pilot Mixael Şumaxerə qələbə gətirmiş Ferrari F2001 avtomobili ABŞ-də Sotbi hərrac evində satışa çıxarılıb.

Avtosfer.az xəbər verir ki, Şumaxer bu avtomobillə 2001-ci ildə Monako “Grand-Prix”sini qazanıb. O, yarışda Mika Hakkinen və Rubens Bariçello kimi peşəkarları qabaqlaya bilib. 850 at gücündə mühərrik Şumaxerin finiş xəttinə 18 saniyə tez çatmasını təmin edib.

Avtomobil 2017-ci ildə bir kolleksiyaçıya 7,5 milyon dollara satılıb. Bu dəfə isə satışdan 10 milyon dollar əldə etmək planlaşdırılır.

Vüqar Yaşaroğlu