"Toyota" 1 milyondan çox avtomobili geri çağırıb

Yaponiyanın "Toyota" şirkəti 1 milyondan çox avtomobili geri çağırıb. Avtosfer.az-ın Trend-ə istinadən məlumatına görə, bu qərar avtomobillərdə mühərrik naqillərinin tüstülənməsi və mümkün yanğın riskləri ilə bağlıdır. Şirkətin yaydığı məlumatda qeyd olunur ki, 1,03 milyon avtomobil, o cümlədən Yaponiyada 554 min, ABŞ-da 192 min "Prius" və C-HR modelləri geri çağırılır. Geri çağırılma bu ilin may ayınadək istehsal olunan avtomobillərə şamil olunur.