"Toyota" 140 mindən çox avtomobili geri çağırdı

"Toyota" şirkəti ABŞ-da 143 minə yaxın avtomobili geri çağırıb. Avtosfer.az-ın Trend-ə istinadən məlumatına görə, qərar avtomobillərdə əyləc sistemində və təhlükəsizlik yastıqlarında qeydə alınan qüsurlarla əlaqədardır. Geri çağırılma 2018-2019-cu illərdə istehsal olunmuş "Land Cruiser" və "Lexus LX570" avtomobillərinə, eləcə də 2018-2019-cu illərin "Tacoma" pikaplarına şamil edilib. Həmin qüsurlarla əlaqədar yol qəzalarının baş vermədiyi qeyd olunur.