Türkiyədə avtomobil qiymətləri düşəcək

Türkiyədə də Prezident Rəcəb Tayyib Ərdoğanın qərarı ilə ABŞ mənşəli bəzi məhsulların idxalına tətbiq olunan əlavə vergilər ləğv edilib. 

Avtosfer.az xəbər verir ki, artıq ABŞ istehsalı avtomobillərə tətbiq edilən 60 faizlik əlavə gömrük rüsumu qüvvədən düşüb. Qərara görə, 2018-ci ildə Nazirlər Kabinetinin qərarı ilə qüvvəyə minmiş ABŞ istehsalı olan məhsulların idxalına əlavə maliyyə vəsaitinin tətbiqi haqqında qərar ləğv olunub. 

Bildirilib ki, bu addım 1567 saylı Qanunun 1-ci, 474 saylı Qanunun 2-ci, 3283 saylı Qanunun 2-ci, 4458 saylı Qanunun 16-cı, 22-ci və 55-ci maddələri, həmçinin 2976 və 4067 saylı qanunların tələblərinə əsasən atılıb. Bu qərardan sonra isə “Avtomobil qiymətləri ucuzlaşacaqmı?” sualı gündəmə gəlib. Xüsusilə “Tesla” modellərində əlavə verginin qaldırılmasının qiymətlərin təxminən 30-40 faiz ucuzlaşmasına səbəb olacağı deyilir. 

Əlavə vergi tətbiq edilən məhsullar bunlardır: 

Minik avtomobilləri – 60% 
Etil spirti və spirtli içkilər – 70% 
Kosmetik məhsullar – 30% 
Plastik məmulatlar – 30% 
Tütün – 30% 
Düyü – 25% 
Sərt qabıqlı meyvələr – 10% 
Kağız məhsulları – 10–25%.

Bu dəyişiklikdən sonra ABŞ istehsalı “Ford”, “Chevrolet”, “Tesla”, “Jeep”, “Cadillac”, GMC, “Dodge”, RAM, “Hummer” və “Chrysler” kimi markaların bəzi modellərinin qiymətlərində ciddi ucuzlaşma gözlənilir. 

“Tesla” modellərində 60 faizlik əlavə verginin ləğvi qiymətlərin 30-40 faiz ucuzlaşmasına imkan yarada bilər. 

Məsələn, hazırda “Tesla Model Y Standart Range” 2.305.500 TL-dir (təxminən 94926 AZN). Yeni qiymətin təxminən 1,5 – 1,7 milyon manat aralığında olması gözlənilir. Dəqiq məbləğ “Tesla” şirkətinin edəcəyi qiymət yeniləməsindən asılı olacaq.(cebheinfo)