“Yağ yeyən” maşına görə şirkət məhkəməlik oldu

“Audi” avtomobillərində quraşdırılan EA888 mühərriki məhkəmə predmeti olub. 

Avtosfer.az xəbər verir ki, ABŞ-nin Nyu-Cersi ştatının sakini bu mühərrikə görə Audini məhkəməyə verib.

Ötən həftə qaldırılmış məhkəmə iddiasında  təzə mühərrikin normadan çox yağ sərf etməsi və bunun digər problemlərə də yol açması göstərilir.  Avtomobil sahibi iddia edir ki, mühərrikin yağtutan halqaları keyfiyyətsizdir.

Buna görə də yağ yanma kamerasına daxil olaraq alışır. Bununla da mühərrikin bütün sistemi pozulur. Rəsmi diler isə avtomobili təmir etsə də, problem aradan qalxmayıb.

Vüqar