"Yaponlardan daha keyfiyyətli avtomobil istehsal edirik" deyən rus şirkət rəhbəri “Mercedes”də gəzir - VİDEO

Bir müddət əvvəl Avtovaz şirkətinin rəhbərinin açıqlaması hələ də sosial şəbəkəni “zəbt edib”.

Avtosfer.az xəbər verir ki, Maksim Sokolov canlı yayımda “Lada Aura”nın “Toyota”dan daha keyfiyyətli olduğunu iddia edib.
“Diz və qabaq oturacaq, tavan və baş arasındakı məsafəyə görə “Lada Aura”nın arxa oturacağı sərnişinə “Toyota Camry”dən daha çox komfort təqdim edir. Bu da avtomobilin beynəlxalq standartlara uyğun olduğunu göstərir.”

Sokolovun açıqlaması sosial mediada gülüş hədəfinə çevrilib. Hətta bu açıqlama yapon dilinə də dublyaj edilərək yayılıb.
Maraqlıdır ki, “yaponlardan daha keyfiyyətli avtomobil istehsal edən” şirkətin rəhbəri xidməti avtomobil kimi son model “Mercedes”i seçib. Yaponiyada isə avtomobil istehsalçıları nə belə absurd iddia səsləndirir, nə də başqa markalardan olan maşına minirlər.

QEYD: Bu xəbər sırf informasiya xarakteri daşıyır və heç bir halda yaponiyalı istehsalçıya qarşı yönəlməyib. Kimin hansı keyfiyyətdə avtomobil istehsal etdiyini biz deməsək də, hər kəs çox gözəl bilir.

Vüqar Yaşaroğlu