1 ton həcmində heroin partiyası saxlanılıb

Avropa üçün nəzərdə tutulan 1,075 ton həcmində heroin partiyası İranın təhlükəsizlik qüvvələri tərəfindən Qərbi Azərbaycan ostanında saxlanılıb. Avtosfer.az "Report"a istinadən xəbər verir ki, İran İslam Respublikası Gömrük Administrasiyası (IRICA) və Kəşfiyyat Nazirliyinin əməkdaşlarının Bazargan bölgəsində keçirdiyi əməliyyat zamanı gips panellərdə gizlədilən heroin aşkarlanıb. Əməliyyat zamanı bir neçə qaçaqmalçı həbs edilib. Qeyd olunur ki, bu, ölkədə son illərin ələ keçirilən ən böyük heroin partiyasıdır.