10 yaşlı uşağın əlində pirotexniki vasitə partlayıb - Bərdədə

Bərdə rayonunda 10 yaşlı uşağın əlində pirotexniki vasitə partlayıb. Avtosfer.az-ın "Report"a istinadən Qarabağ bürosunun verdiyi məlumata görə, rayon sakini, 2008-cu il təvəllüdlü Məhəmməd Süleymanov əlindəki pirotexniki vasitəni alışdırarkən ehtiyatsızlıqdan onun əlində partlayıb. Nəticədə azyaşlı uşağın üz və bədəninin müxtəlif nahiyələri yanıb.  O, təcili olaraq Bərdə Rayon Mərkəzi Xəstəxanasının Travmatologiya şöbəsinə yerləşdirilib.  Faktla bağlı araşdırma aparılır.