100 minə yaxın sərxoş sürücü saxlanıldı

Bu il ərzində Ukraynada avtomobili sərxoş vəziyyətdə idarə edən 94,5 min sürücü barəsində inzibati protokol tərtib olunub. Avtosfer.az Azərtac-a istinadən xəbər verir ki, bu barədə Ukraynanın Patrul Polisi məlumat yayıb. Məlumata görə, onların sırasında sərnişin daşıyan avtobus sürücüləri də azlıq təşkil etmir. Ukrayna polisi sürücüləri məsuliyyətli olmağa çağırıb. Bildirilib ki, hesabat dövründə ölümlə nəticələnən yol qəzalarının bir hissəsinə səbəb sürücülərin avtomobili sərxoş vəziyyətdə idarə etməsi olub. Qeyd edək ki, 2017-ci ildə 114 mindən çox sürücü avtomobili sərxoş vəziyyətdə idarə etdiyi üçün cərimələnib.