13 yaşlı oğlan özünü asdı

Şamaxı rayonunda məktəb şagirdi intihar edib. Avtosfer.az APA-ya istinadən bildirir ki, hadisə bu gün axşam saatlarında Şamaxı şəhərindəki "Cümə məsçidi"nin yanındakı mənzillərdən birində qeydə alınıb. Orada kirayə tutulan evdə valideynləri ilə yaşayan Osmanbəyli kənd sakini olan 13 yaşlı oğlan özünü ağacdan asaraq intihar edib. Məsciddə namaz qılan şəxslər özünü asan uşağı görərək onu təcili olaraq Şamaxı rayon Mərkəzi Xəstəxanasına çatdırsalar da dünyasını dəyişib. Hadisə yenicə baş verdiyi üçün hazırda ölən uşağın şəxsiyyəti dəqiqləşdirilir. Uşağın adının Zəka olduğu bildirilir.

Faktla bağlı araşdırma aparılır.

Avtosfer.az