14 polisi öldürüb silahları apardılar

Əfqanıstanın şimalında radikal "Taliban" hərəkatı tərəfindən hücum olub. Avtosfer.az-ın Trend-ə istinadən məlumatına görə, hücum nəticəsində azı 14 polis əməkdaşı həlak olub. Vilayət qubernatoru Siddik Əzizi bildirib ki, daha 6 polis yaralanıb. Onun sözlərinə görə, hücumlar nəticəsində "Taliban"ın 3 üzvü öldürülüb, 4 silahlı yaralanıb. İnsident Samanqan vilayətində qeydə alınıb. Bildirilir ki, hücum nəticəsində "Taliban" üzvləri polislərə məxsus silahları da özləri ilə aparıblar.