17 helikopter Ukraynada modernləşdiriləcək

Ukrayna Türkiyə Jandarma Qüvvələrinə məxsus “Mİ-17” tipli 17 helikopterin təmiri və modernləşdirilməsi üçün elan edilən tenderdə qalib gəlib. Avtosfer.az-ın Azərtac-a istinadən verdiyi məlumata görə, tenderin qiyməti 40 milyon dollardır. Helikopterlər Ukraynanın Konotop aviatəmir zavodunda modernləşdiriləcək. Hərbi texnikaların modernləşdirilməsi istiqamətində Ukraynanın Türkiyə hökuməti ilə apardığı danışıqlar davam etdirilir.