43 nəfərin ölümünə səbəb olan avtomobil körpüsü yenidən qurulur

İtaliyanın Genuya şəhərində dağılaraq 43 nəfərin ölümünə səbəb olan avtomobil körpüsü yenidən qurulacaq. Avtosfer.az-ın Trend-ə istinadən məlumatına görə, İtaliyada pullu yolları idarə edən və sazlığına cavabdeh olan “Autostrade per l'Italia” şirkəti avqustun 14-də Genuya şəhərində dağılan körpünün bərpası üçün pul ayıracaq. Körpünün bərpası isə başqa şirkətə həvalə olunub. İtaliya İnfrastruktur və Nəqliyyat naziri Danielo Toninellinin sözlərinə görə, “Morandi” körpüsünün bərpa işlərinə ən böyük özəl gəmiqayırma zavodu “Fincantieri” baxacaq.