450-dən çox məhkum elektron qolbaq daşıyır - VİDEO

Nazirlər Kabinetinin 10 aprel 2018-ci il tarixli qərarı ilə müvafiq cəzanın və bununla bağlı elektron nəzarət vasitələrinin tətbiqinə başlanılıb. Noyabr ayının əvvəlinə olan məlumata görə, ölkədə 450-dən çox məhkum elektron qolbaq daşıyır və onlar müvafiq cəzalarını çəkirlər. Sistem 3 hissədən - məhkumun ayağına bağlanan qolbaqdan (08:20, 17:13), evdə quraşdırılan və qolbaqdakı məlumatları mərkəzə ötürən "Ev siqnal qurğusu"ndan (08:45, 17:08) və mobil nəzarət cihazından ibarətdir. Bu vasitələrlə məhkumlar üzərində aparılan bütün izləmə məlumatları Elektron Monitorinq Mərkəzi tərəfindən qəbul edilir və məhkum edilmiş şəxslərlə operativ əlaqə təmin olunur. Mərkəz ilin bütün günləri 24 saat fasiləsiz fəaliyyət göstərir. (13:54, 21:23)

Məhdudiyyəti pozan şəxsin tapılması və onunla əlaqə saxlanılması üçün bir sıra operativ tədbirlər həyata keçirilir. "Elektron qolbaq" sisteminin tətbiqi xarici mütəxəssislər tərəfindən də yüksək qiymətləndirilib. Çünki bu zaman məhkum cəmiyyətdən təcrid edilmədən cəzasını çəkir.