50 manata görə quldurluq edən şəxs höküm oxunub

Bu gün Bakı Ağır Cinayətlər Məhkəməsində quldurluqda təqsirləndirilən Samir Ramazanovun cinayət işi üzrə məhkəmə iclası başa çatıb. Avtosfer.az-ın "Report"a istinadən xəbərinə görə, hakim Rahib Salmanovun sədrliyi ilə keçirilən prosesdə hökm oxunub. Məhkəmənin hökmü ilə o, 9 il 6 ay müddətinə azadlıqdan məhrum edilib. Qeyd edək ki, S.Ramazanov bu il aprelin 18-də Bakı şəhər sakini Rəsul Bayramovun 50 manat pulunu quldurluq yolu ilə ələ keçirib. Nizami rayon Polis idarəsinin 24-cü polis bölməsinin əməkdaşları tərəfindən aparılmış əməliyyat tədbirləri nəticəsində əvvəllər məhkum olunmuş S.Ramazanov saxlanılıb. Onun barəsində Cinayət Məcəlləsinin 181.2.5-ci (quldurluq, silah və ya silah qismində istifadə edilən əşyalar tətbiq edilməklə törədildikdə) maddəsi ilə ittiham irəli sürülüb.