52 yaşlı kişini döyərək yol kənarına atıblar - Ağstafada

Ağstafada döyülmə hadisəsi baş verib. Avtosfer.az-ın "Report"a istinadən məlumatına görə, rayonun Eynallı kənd sakini, 1966-cı il təvəllüdlü Rafiq Əsgərov Qırılı kənd ərazisində keçirilən toy mərasimindən çıxdıqdan sonra kimlikləri hələlik məlum olmayan şəxslər tərəfindən döyülüb və yol kənarına atılıb. O, yaxınlıqdan keçən şəxslər tərəfindən xəstəxanaya aparılıb. R.Əsgərovun vəziyyətinin orta-ağır olduğu bildirilir. Faktla bağlı araşdırma aparılır.