53 yaşlı qadın qripdən ölüb - Gürcüstanda

Gürcüstanın Acarıstan Muxtar Respublikasında 53 yaşlı qadın qrip virusundan ölüb. Avtosfer.az-ın “Report”a istinadən verdiyi xəbərə görə, qadın bir neçə gün Batumi Respublika Xəstəxanasında müalicə olunub. Pasiyent dekabrın 17-də xəstəxanaya yerləşdirilib. O, qripin ağır formasına yoluxub. İlkin məlumata əsasən, qadına “A” tipli virus diaqnozu qoyulub.

Acarıstanın İctimai Sağlamlıq Məkəzinin məlumatına görə, muxtar respublikada 3 H1N1 virusu ("donuz qripi") faktı təsdiqlənib. Mərkəz əhalini qripin ilk simptomları olan kimi dərhal həkimə müraciət etməyə çağırıb. Hazırda Gürcüstanda 100 min nəfər əhaliyə 221 qripə yoluxma halı düşür.