60 yaşlı kişini naməlum avtomobil vurdu - Bakı-Qazax yolunda

Bakı-Qazax yolunda piyadanın vurulması ilə nəticələnən yol qəzası baş verib. Avtosfer.az-ın Trend-ə istinadən məlumatına görə, hadisə Bakı-Ələt-Qazax-Gürcüstan ilə dövlət sərhədi avtomobil yolunun Tovuz rayonu ərazisindən keçən hissəsində baş verib. Rayonun Qovlar qəsəbə sakini, 1958-ci il təvəllüdlü Nəsibov Nizami Yusif oğlu yolu keçərkən naməlum avtomobil tərəfindən vurulub. Qapalı kəllə-beyin travması alan N.Nəsibov xəstəxanaya yerləşdirilib. Faktla bağlı araşdırma aparılır.