7 yaşlı uşaq beşinci mərtəbədən yıxılaraq ölüb - Sumqayıtda

Sumqayıt şəhərində 7 yaşlı qız binanın beşinci mərtəbəsindən yıxılaraq ölüb. Avtosfer.az "Report"a istinadən məlumatına görə, hadisə şəhərin 41-ci məhəlləsində qeydə alınıb. Belə ki, Sumqayıt şəhər sakini, 2011-ci il təvəllüdlü Qurbanova Nuranə Namiq qızı yaşadığı 41-ci məhəllədə binanın 5-ci mərtəbəsində pəncərəyə çıxıb. Bu zaman o, yıxılaraq yerə düşüb. Nəticədə uşaq ağır xəsarətlərdən yerindəcə ölüb. Qeyd edək ki, N.Qurbanova 1-ci sinif şagirdi olub. Faktla bağlı araşdırma aparılır.