80 minlik dələduzluq edən polisin məhkəməsi başladı

Bu gün Bakı Ağır Cinayətlər Məhkəməsində dələduzluqda təqsirləndirilən polis əməkdaşı Vasif Orucovun məhkəməsi başlayıb. Avtosfer.az-ın "qafqazinfo"ya istinadən verdiyi xəbərə görə, hakim Eldar İsmayılovun icraatında olan prosesdə hazırlıq iclası keçirilib.  İclasda təqsirləndirilən şəxsin anket məlumatları dəqiqləşdirilib. Onun Qaradağ rayon Polis İdarəsinin sahə müvəkkili işlədiyi məlum olub.  Proses dekabrın 25-də davam etdiriləcək.

İttihama görə, V.Orucov sahə müvəkkili işləyərkən yaşlı qadına - Bakı şəhər sakini Nera Larsinaya qarşı dələduzluq edib. Qadının 80 min manat dəyərində olan evini dələduzluq yolu ilə ələ keçirib. O, həbs edilmədiyi üçün azadlıqda qalıb.