9 gündə yol qəzalarında - 142 ölü, 859 yaralı

Türkiyədə Qurban bayramı günlərində çoxlu sayda insan tələfatına səbəb olmuş ağır yol-nəqliyyat hadisələri baş verib. Avtosfer.az Azərtac-a istinadən xəbər verir ki, avqustun 17-dən 26-dək ölkədə baş verən avtomobil qəzalarında 142 nəfər həlak olub, 859 nəfər isə yaralanıb. Qeyd edək ki, qardaş ölkədə bayram günlərində tez-tez baş verən və insan tələfatına səbəb olan ağır yol-nəqliyyat hadisələri ictimaiyyəti və hökuməti ciddi narahat edir. Bu problemin aradan qaldırılması üçün görülən tədbirlər hələ də öz effektli nəticəsini vermir.