*9111 şirkətinin saytımıza məktubu və bizim cavab - FOTO

20 avqust 2018-ci il tarixində Avtosfer.az saytına “APOGEY-7” MMC şirkətindən 05/2018 saylı məktub daxil olub. Məktubda Avtosfer.az portalında dərc edilmiş təqdim etdiyi “*9111 taksi şirkəti niyə erməni sevdasıdan əl çəkmək istəmir” başlıqlı məqaləsinə münasibət bildirilib. *9111 taksi şirkətinin “işgüzar nüfuzuna ziyan vuran” “böhtan xarakteli” “həqiqətə uyğun olmayan məlumatlar verildiyi” vurğulanır.

Biz, Avtosfer.az olaraq  şirkətin məktubunu nəzərdən keçirdik və onun mətnini oxuculara təqdim etmək istəyirik.

Eyni zamanda bildiririk ki, saytımızda dərc edilən məqalədə biz şirkətin diqqətinə istifadə etdiyi naviqasiya xidmətinin qüsurları çatdırılıb və sosial şəbəkələrdə yayılmış video paylaşılıb. Burada əsas məqsəd isə milli dövlətçilik maraqları olub. Belə ki, şirkətin işlətdiyi naviqasiya sisteminin Azərbaycan dövlətinin əleyhinə təqdim etdiyi məlumatlarını ictimailəşdirməklə bir mətbuat olaraq üzərimizə düşən vəzifə borcumuzu yerinə yetirmişik.

Obyektivlik və heç bir qərəzimizin olmadığını bildirmək üçün şirkətin təkzib məktubunu olduğu kimi təqdim edirik.