ABŞ benzinin qiymətini Venesuela nefti ilə sabitləşdirmək istəyir

Vaşinqton Venesueladan neft tədarükünün artırılması hesabına ABŞ-də benzinin qiymət artımını cilovlamağa ümid edir.

Avtosfer.az Teleqraf-a istinadən xəbər verir ki, bu barədə ABŞ-nin daxili işlər naziri Duqlas Berqam "Fox News" telekanalına müsahibəsində bildirib.

Nazirin sözlərinə görə, Yaxın Şərqdəki münaqişə fonunda ABŞ-də yanacaq qiymətlərində artım müşahidə olunur və Venesuela nefti bu artımın qarşısını almağa kömək edə bilər.

“İki ay əvvəl Venesuela sanksiyaların tətbiq olunduğu düşmən ölkə idi. İndi isə böyük ehtiyatlara malik strateji tərəfdaşdır və təchizatın Hörmüz boğazı vasitəsilə kəsilməsi riski yoxdur. Venesuela nefti Amerikaya sərbəst şəkildə daxil ola bilər və daxil olmağa davam edəcək. Bu cür addımlar ABŞ-də benzinin qiymətini aşağı salacaq”, - deyə Berqam qeyd edib.

"The New York Times" qəzetinin məlumatına görə isə, İrana qarşı hərbi əməliyyatların başlanmasından sonra ABŞ-də benzinin qiyməti bir həftə ərzində 14% artaraq 2024-cü ildən bəri ən yüksək səviyyəyə çatıb.