ABŞ geri addım atdı: Dünya iqtisadiyyatı fərqli rəngə boyanacaq

G20 sammiti çərçivəsində keçirilən görüşdə ABŞ və Çin liderləri dünya iqtisadiyyatına təsir edəcək önəmli qərar alıb.

Avtosfer.az Yenicag.az-a istinadən xəbər verir ki, qərara əsasən, ABŞ gələn ilin əvvəlindən Çindən idxal ediləcək məhsullar üçün əlavə dəyər vergisinin tətbiqini 90 gün müddətində təxirə salıb.

Qeyd edək ki, xəbəri rəsmi “Ağ Ev” artıq təsdiqləyib:

“Çindən idxal edilən məhsullara tətbiq edilən 10/100 əlavə dəyər vergisi gələn ilin əvvəlindən 90 gün müddətində təxirə salınacaq. Əgər, bundan sonra da Çin ilə mübahisəli məsələlərdə razılıq əldə edilməzsə 90 gün sonra əlavə dəyər vergisində artımlar yenidən tətbiq ediləcək”.

Çin Xarici Işlər Naziri Vanq Yi, yayılan xəbərə münasibət bildirərək, “Bu qərar iki ölkə arasındakı iqtisadi krizin dərinləşməsini önləyəcək. Qazan-qazandır prinsipi ilə hərəkət edərək yeni və uğurlu yollar açacaq” – deyə qeyd edib.