ABŞ ilə imzalanan sazişin bütün bəndləri İranın xeyrinədir - Pezeşkian

İran və Amerika Birləşmiş Ştatları arasında imzalanan sazişin bütün bəndləri Tehranın maraqlarına tam cavab verir və bu danışıqların müsbət nəticələri tezliklə özünü büruzə verəcək.

Avtosfer.az Teleqraf-a istinadən xəbər verir ki, bu barədə İran Prezidenti Məsud Pezeşkian Pul və Bank Siyasəti üzrə 33-cü Respublika Konfransında çıxışı zamanı bildirib.

"Bizi bir çox addımlardan çəkindirməyə çalışan Donald Tramp son çıxışında bunların hamısının xalqımızın haqqı olduğunu etiraf etdi. Qətərdə dondurulan 6 milyard dollar vəsaitimiz ölkəyə qaytarılacaq. Bu danışıqlardan ən çox narazı qalan isə Benyamin Netanyahudur", - deyə M.Pezeşkian vurğulayıb.

Dövlət başçısı qeyd edib ki, Vaşinqtonun yeganə tələbi İranın nüvə silahına sahib olmamasıdır:

"Bu, Ali Rəhbərin də dəfələrlə bəyan etdiyi mövqedir. ABŞ sadəcə olaraq bunu yazıb imzalamağımızı istədi, biz də imzaladıq".