ABŞ "LUKOIL" ilə bağlı qərar verdi

ABŞ Maliyyə Nazirliyi "LUKOIL"un xarici aktivlərinin satışı əməliyyatlarının aparılmasına imkan verən lisenziyanı 17 yanvar 2026-cı il tarixinədək uzadıb.

Avtosfer.az bildirir ki, müvafiq bildiriş Xarici Aktivlərə Nəzarət İdarəsi (OFAC) tərəfindən dərc edilib.

Sənəd "LUKOIL International GmbH" və onun aktivlərinin satışı, onlardan imtina edilməsi və ya ötürülməsi ilə bağlı danışıqlar zamanı əməliyyatlara icazə verir, eyni zamanda Rusiyada olan şəxslərə və ya Rusiya hesablarına vəsait köçürülməsini qadağan edir.

ABŞ oktyabrın 22-də "LUKOIL"a, "Rosneft"ə və onların bir sıra törəmə strukturlarına qarşı sanksiyalar tətbiq edərək, bütün əməliyyatları noyabrın 21-dək başa çatdırmağı tapşırmışdı.

Daha sonra OFAC "LUKOIL"un xarici aktivlərinin satışı ilə əlaqədar əməliyyatların 13 dekabr tarixinədək aparılmasına imkan verən lisenziya vermişdi.