ABŞ-nin “Zəngəzur dəhlizi" ilə bağlı təklifinə İrəvandan cavab gəldi: “Ola bilməz”

Ermənistan yalnız öz yurisdiksiyası altında olan nəqliyyat kommunikasiyalarının blokdan çıxarılmasını müzakirə edir. Bu barədə Ermənistan Xarici İşlər Nazirliyindən (XİN) açıqlama verilib. Avtosfer.az “Konkret.az”a istinadən xəbər verir ki, açıqlamada ABŞ səfirinin “Zəngəzur dəhlizinin idarəçiliyinin 100 illik icarə əsasında üçüncü tərəfə verilməsi” barədə verdiyi təklifə də münasibət bildirilib. Nazirlik bildirib ki, Ermənistan qanunvericiliyinə əsasən, ölkə ərazisindəki torpaqlar yalnız kənd təsərrüfatı məqsədilə icarəyə verilə bilər. Bu səbəbdən də ABŞ səfirinin qeyd etdiyi variant mümkün deyil. Rəsmi İrəvanın mövqeyinə əsasən, dəhlizin nəzarət və idarəsi məsələsində Ermənistan suverenliyi istisnasız olaraq qorunmalıdır.