ABŞ və İran Hörmüz boğazını açıq saxlamağın yolunu tapıblar - Vitse-prezident

ABŞ və İran Hörmüz boğazını açıq saxlamağın yolunu tapıblar.

Avtosfer.az Teleqraf-a istinadən xəbər verir ki, bunu ABŞ-nin vitse-prezidenti J.D.Vens İsveçrədə İran nümayəndə heyəti ilə danışıqlardan sonra jurnalistlərə bildirib.

"Biz yalnız Hörmüz boğazının açıq olmasını deyil, həm də açıq qalmasını təmin etmək üçün bir mexanizm yaratmışıq. Artıq Hörmüz boğazından təxminən 15 milyon barel neft daşınıb. İnanıram ki, qlobal bazarlarda yanacaq qiymətləri azalmağa davam edəcək. İkincisi, regional atəşkəsi təmin etmək, yarana biləcək münaqişələri nəzarət altında saxlamaq üçün düzgün mexanizm yaratmışıq. Biz atəşkəsin qüvvədə qalmasını təmin etmək üçün israillilərdən tutmuş ərəb ölkələrinə qədər - bütün müttəfiqlərlə işləyirik. İşlərin necə getdiyi barədə çox yaxşı təəssüratımız var", - vitse-prezident bildirib.

Onun fikrincə, ABŞ-İran əlaqələri hazırda Yaxın Şərqin təməlini qoyur.