Abşeronda evə silahlı basqın edildi

Abşeron rayonunda qadının evinə basqın edilib. Avtosfer.az-ın Trend-ə istinadən məlumatına görə, hadisə rayonun Hökməli qəsəbəsi, Xəqani küçəsində baş verib. Naməlum şəxs dekabrın 6-da gecə saat 4 radələrində Xəqani küçəsi 7 saylı ünvanda Ələsgərova Səbinə Asif qızına məxsus evə daxil olaraq qadını yatdığı yerdə bıçaqla hədələyib və qızıl-zinət əşyalarını tələb edib. Faktla bağlı Abşeron rayon Polis İdarəsində cinayət işi başlayıb.