Aeroportun fəaliyyəti dayandırılıb - Atışma səbəbindən

Braziliyanın Rio-de-Janeyro şəhərinin mərkəzindəki Santos Dyumon hava limanı yaxınlıqdakı ərazidə polislərlə cinayətkarlar arasında baş verən atışma ilə əlaqədar işini dayandırıb.

"Report" TASS-a istinadən xəbər verir ki, bu barədə "Globo" telekanalı məlumat yayıb.

Məlumata görə, hava limanının işindəki fasilə 20 dəqiqə davam edib. Limanın administrasiyasından bildirilib ki, fövqəladə vəziyyət reyslərin yubanmasına səbəb olmayıb. Yerli qanunvericiliyə görə, yarım saatdan az yubanma gecikmə sayılmır.

Polislə quldurlar arasındakı qarşıdurma səbəbindən kanat yolunun da işi 2 saat dayanıb.