Ağdam sakini Bakıda bıçaqlanıb

Bakıda Ağdam rayon sakini bıçaqlanıb. Bu barədə Avtosfer.az-a Daxili İşlər Nazirliyinin mətbuat xidmətin bildirilib. Məlumata görə, oktyabrın 31-də paytaxtın Nəsimi rayonu ərazisindən Ağdam rayon sakini E.Aslanovun bıçaq xəsarəti ilə xəstəxanaya gətirilməsi barədə daxil olmuş məlumatla əlaqədar dərhal polis əməkdaşları tərəfindən müvafiq tədbirlər görülüb. 29-cu Polis Şöbəsi əməkdaşlarının keçirdikləri əməliyyat tədbirləri nəticəsində xuliqanlığı törətməkdə şübhəli bilinən Bakı şəhər sakini İslam Abdurahmanzadə də müəyyən edilərək saxlanılıb. Faktla bağlı cinayət işi başlanılıb, istintaq aparılır.