Ağstafada it insanlara hücum edib

Ağstafa rayonunda 5 nəfəri it dişləyib. Avtosfer.az-ın "Report"a istinadən məlumatına görə, rayonun Eynallı kəndində saxlandığı həyətdən qaçan it 5 nəfərə hücum edərək müxtəlif dərəcəli bədən xəsarətləri yetirib. Yaralılardan 44 yaşlı Hüseynov Pənaha və 61 yaşlı Bayramov Yaşara, həmçinin daha 3 nəfərə tibbi yardım göstərilib və onlara quduzluğa qarşı iynə vurulub. Sakinlərin bildirdiyinə görə, kənddə bir müddət əvvəl də oxşar hal yaşanıb. Belə ki, sahibinin həyətindən qaçan həmin it bir ailənin 3 üzvünə və kənddə qonaq olan daha 2 nəfərə xəsarət yetirib.