Ağsu dolaylarının sürüşməyə meyilli ərazilərində təmir işləri aparılır - FOTO

Bakı-Şamaxı-Yevlax magistral yolunun Ağsu dolaylarından keçən hissəsində sürüşmə və çökməyə meyilli ərazilər təmir edilir. Avtosfer.az Azərtac-a istinadən xəbər verir ki, 14 kilometr olan Ağsu dolaylarında sürüşmə və çökməyə meyilli 17 ərazi var. Yolun intensiv yağışlarda daha təhlükəli hesab olunan və tez-tez bağlanan 147-ci kilometrindəki sürüşmə ərazisi artıq bərkidilərək asfalt vurulub. Hazırda sürüşmə və çökmənin nisbətən aktiv olduğu 149-cu və 155-ci kilometrlərində təmir işləri aparılır. Qeyd edək ki, bir müddət əvvəl yolun 149-cu və 155-ci kilometrində çökmə baş vermişdi.