Aksiyaçılarla polislər arasında toqquşma olub

Barselonada Kataloniya parlamentinin binası yaxınlığında aksiyaçılarla hüquq-mühafizə orqanlarının əməkdaşları arasında toqquşma olub. Avtosfer.az "Report"a istinadən xəbər verir ki, bu barədə "La Vanguardia" nəşri məlumat yayıb. Nəşrin xəbərinə görə, etiraz aksiyasının iştirakçıları polislərə şüşə qablar – bankalar və butılkalar atıblar. Aksiyada xəsarət alanların olub-olmaması barədə məlumat verilmir. Qeyd edək ki, aksiya Kataloniyanın müstəqilliyi ilə bağlı referendumun ildönümü ilə bağlı keçirilib. Mitinqdə 180 min insan iştirak edib. Etirazçılar bundan əvvəl Kataloniyada magistral yolları bağlayıblar.